Þriðjudaginn 9. febrúar n.k. verður haldinn 80. fundur sveitarstjórnar Hvalfjarðarsveitar.  Fundurinn verður haldinn í stjórnsýsluhúsi og hefst hann kl. 16.00.  Hér er hægt að nálgast dagskrá fundarins. 

Meira...

Dagur leikskólans var haldinn hátíðlegur í leikskólanum Skýjaborg í Hvalfjarðarsveit í dag.  Dagurinn byrjaði á því að börnin flögguðu íslenska fánanum með kennurum sínum, síðan var gengið yfir að stjórnsýsluhúsi þar sem börnin tóku til við að teikna listaverk á stéttina og á bílastæðið með krítum.  Kalt var í veðri og því sást í margar rauðar kinnar á ánægðum börnum sem nutu þess að láta ljós sitt skína.  Hvalfjarðarsveit óskar leikskólanum til hamingju með daginn.

Myndir í myndaalbúmi

Meira...

Dagur leikskólans – 6. febrúar er nú haldinn í annað sinn. Dagurinn er samstarfsverkefni Félags leikskólakennara, menntamálaráðuneytis, Sambands íslenskra sveitarfélaga og Heimilis og skóla en þann dag árið 1950 stofnuðu frumkvöðlar leikskólakennara fyrstu samtök sín. Markmiðið með verkefninu er að beina sjónum að leikskólanum og því gróskumikla og mikilvæga starfi sem þar fer fram, hvetja til aukinnar umræðu um leikskólastarf og gera það sýnilegra.

Meira...

Vegna viðgerða á kaldavatnslögn frá Grundartanga að Tungu verður vatnslaust að hluta til á milli kl. 10.00 - 15.00.

Íbúar í Melahverfi og á svæðinu sem tengjast inn á lögnina eru beðnir velvirðingar á vatnsleysinu en unnið er að endurbótum á kaldavatnslögninni.

Vatnsveitan. 

Meira...